Դուրս գրված Հարկային հաշիվներ: Հնարավոր է դարձել e-Invoicing ծրագրում դուրս գրված հարկային հաշիվների սերիա-համարների վերագրումը համապաասխան հաշիվ-ապրանքագրին:

Ստացված հարկային հաշիվներ: Ավելացել է e-Invoicing ծրագրում ստացված հարկային հաշիվների ներմուծելու հնարավորություն: Ավելացել է «Ստացված հարկային հաշիվների մատյան» հաշվետվությունը, որում արտապատկերվում են էլեկտրոնային եղանակով ստացված և համակարգ ներմուծված հարկային հաշիվները:

Ներմուծված հաշիվները կարելի է խմբագրել` նշելով ձեռքբերվող նյութական արժեքների և ծառայություններին համապատասխանող կոդերը և դրանց հիման վրա հեշտ գրանցել «Պահեստի մուտքի օրդեր» կամ «Ստացված ծառայություններ» փաստաթղթերը:

ՀԾ-Առևտուր համակարգի հետ ինտեգրացիա

Տեղեկատուների ներմուծում: Ավելացել է «ՀԾ-Առևտուր» համակարգից  XML ֆորմատով արտահանված «Գործընկերներ» և «Նյութական արժեքներ» տեղեկատուները «ՀԾ-Հաշվապահ 2011»  համակարգ ներմուծելու հնարավորություն:

Վաճառքների ներմուծում: Ավելացել է «ՀԾ-Առևտուր» համակարգից  XML ֆորմատով արտահանված «Հաշիվ-Ապրանքագիր» և «Վաճառք (Մանրածախ)» փաստաթղթերը «ՀԾ-Հաշվապահ 2011»  համակարգ ներմուծելու հնարավորություն:

Հաշվապահություն

Հիշարար օրդերի ներմուծում Excel-ից: Ավելացել է «Հիշարար օրդեր» փաստաթուղթը MS Excel համակարգից ներմուծելու հնարավորություն։ Այն կարելի է ներմուծել MemOrderImport.xls ֆայլի միջոցով, որը գտնվում է AccImport գրադարանում (Օրինակ` C:\Program Files\Armenian Software\AS-Accountant 2011\AccImport):

Փաստաթղթում նոր ծառայության տողի արագ գրանցում: «Ստացված ծառայություններ» փաստաթղթի «Ծառայությունների ցուցակ» աղյուսակում տող գրանցելու (խմբագրելու) պատուհանում «Կոդ» դաշտի կողքին ավելացել է «+» կոճակը: Այս կոճակը նախատեսված է «Ծառայություններ» տեղեկատուում  նոր տող գրանցելու  և «Կոդ» դաշտում ավտոմատ այդ արժեքը մուտքագրելու համար:

Աշխատավարձ

Աշխատակիցների ընդլայնված ցուցակ: «Աշխատակիցների ցուցակ» հաշվետվության դիալոգ պատուհանում ավելացել է «Ընդլայնված» դրոշակը, որը ծառայում է աշխատակիցների ընդհանուր բնույթի տվյալների (հասցեներ, ծննդյան ամսաթիվ, սեռ, անձնագրի համար և այլ) սյուները պատկերելու համար:

Ապահովագրական նպաստի միջին աշխատավարձ: Ավելացել է հնարավորություն ապահովագրական նպաստի հաշվարկը գրանցելիս նշել ժամանակավոր անաշխատունակության առաջանալու օրը: Միջին աշխատավարձը հաշվարկվում է նշված ամսվան նախորդող տասներկու հերթական օրացուցային ամիսների համար:

Եկամտահարկի հաշվարկ: Եկամտահարկի հաշվետվությունը համապատասխանեցվել է 25.03.2012-ից ուժի մեջ մտած  «Եկամտահարկի հաշվարկման և բյուջե վճարման կարգի մասին» հրահանգի հավելված 1-ում կատարված փոփոխություններին:

Ավելացել է օգտագործողի կողմից եկամտահարկի հաշվետվության «Գույքի օտարելու դիմաց վճարված եկամուտ», «Վարձակալական վճար», «Առանց հիմնավորող փաստաթղթերի վճարում» տողերի համար բանաձևեր նկարագրելու հնարավորություն: Այս տողերին վերաբերվող  եկամուտների և եկամտահարկերի հաշվարկները կարելի է նկարագրել «Բանաձևեր» տեղեկատուում «07/»-ով սկսվող տողերում:

Սոցիալական ապահովագրության վճարի հաշվարկում: Վարձու աշխատողների սոցիալական ապահովագրության վճարի հաշվարկման կարգը համապատասխանեցվել է 29.11.2011թ. ընդունված ՀՕ-303-Ն օրենքին: Այժմ աշխատողների սոցիալական վճարը հաշվարկվում  է տեղեկատուներում ավելացված «Աշխատակցի սոցապի սանդղակ»-ի հիման վրա:

Սոցիալական ապահովության հաշվետվությունը համապատասխանեցվել է 12.04.2012-ից ուժի մեջ մտած «Պարտադիր սոցիալական ապահովության վճարների հաշվարկման և վճարման կարգի մասին» հրահանգի հավելված 3ա-ում կատարված փոփոխություններին:

Անհատական հաշվետվության և տիտղոսաթերթի միավորում: Այժմ ապահովագրված անձանց անհատական հաշվետվությունները (ձև Ֆ10) և համապատասխան տիտղոսաթերթը (ձև Ֆ9) միավորվել են որպես մեկ միասնական հաշվետվություն, որի արդյունքում տիտղոսաթերթում լրացվող հերթական համարները լրացվում են համապատասխան անհատական հաշվետվության վերևի աջ վանդակում:

AEB Home Bank համակարգի հետ ինտեգրացիա

«Վճարման հանձնարարագիր» փաստաթուղթն այժմ կարելի է արտահանել «ՀԱՅԷԿՈՆՈՄԲԱՆԿ» ընկերության կողմից մշակված «AEB Home Bank» համակարգ:

Ավելացել է աշխատավարձի վճարացուցակը «ՀԱՅԷԿՈՆՈՄԲԱՆԿ» ընկերության կողմից մշակված «AEB Home Bank» համակարգ արտահանելու հնարավորություն: