Արդյունավետությունը բարձրացնելու համար առևտրային գործունեությամբ զբաղվող կազմակերպություններում առկա է օպերատիվ և հաշվապահական հաշվառումներն ավտոմատացնելու անհրաժեշտություն: Այդ նպատակով բազմաթիվ կազմակերպություններ ձեռք են բերում ՀԾ-Հաշվապահ և ՀԾ-Առևտուր համակարգերը: Վերջինս թույլ է տալիս մանրակրկիտ հաշվառել և վերլուծել մեծածախ և մանրածախ առևտուրը:

   Միևնույն վաճառքի փաստաթուղթը երկու համակարգերում ձեռքով չմուտքագրելու համար հնարավորություն է տրված այն արտահանել ՀԾ-Առևտուր համակարգից և ներմուծել ՀԾ-Հաշվապահ համակարգ:

   Փաստաթղթերի տեղափոխումն իրականացնելու համար անհրաժեշտ է.  

1.   Մուտք գործել ՀԾ-Առևտուր համակարգի համապատասխան տվյալների պահոց և ընտրել Աշխատանք→Ադմինիստրատորի գործիքներ→Արտահանել տվյալներ→Արտահանել փաստաթղթեր հրամանը.

2.   Նշել անհրաժեշտ պարամետրերը և բացել արտահանման համար նախատեսված մատյանը. 

3.  Նշել արտահանման ենթակա փաստաթղթերը և կոնտեքստային ցանկից ընտրել Արտահանել տվյալներ հրամանը.

4.   Save As պատուհանում մուտքագրել XML ֆայլի անունը, նշել արտահանման ճանապարհը և սեղմել Save կոճակը.

5.   Այնուհետև մուտք գործել ՀԾ-Հաշվապահ համակարգի համապատասխան տվյալների պահոց և ընտրել Աշխատանք→Ադմինիստրատորի գործիքներ→Ներմուծել տվյալներ հրամանը.

6.   Բացված պատուհանի ձախ բաժնում ընտրել թղթապանակը, որտեղ արտահանվել է ֆայլը, իսկ աջ բաժնում անհրաժեշտ ֆայլը: Պատուհանի ներքևի բաժնում նշել Փաստաթղթեր տողը և սեղմել Կատարել կոճակը.

7. Ներմուծելուց հետո գալիս է արդյունքների վերաբերյալ հաշվետվություն, որում նշվում են ներմուծված փաստաթղթերի քանակը և չներմուծված փաստաթղթերի վերաբերյալ տեղեկություն և պատճառը: Փաստաթղթերը ներմուծվում են սևագիր վիճակով: