ՀԾ Բանկ համակարգում պահուստավորման կարգավորումների համապատասխանեցում ՀՀ ԿԲ խորհուրդի թիվ 147-Ն որոշման պահանջներին Գիտելիքների շտեմարան

ՀԾ Բանկ համակարգում պահուստավորման կարգավորումների համապատասխանեցում ՀՀ ԿԲ խորհուրդի թիվ 147-Ն որոշման պահանջներին

KBA-01257-Z0S1TG

Խնդրի նկարագրություն

2011 թվականի հունվարի 1-ից ուժի մեջ է ՀՀ Կենտրոնական բանկի խորհուրդի թիվ 147-Ն որոշումը, որով փոփոխություններ են կատարվել «ՀՀ տարածքում գործող բանկերի վարկերի ու դեբիտորական պարտքերի դասակարգման և հնարավոր կորուստների պահուստների ձևավորման կարգ»-ում:

Սույն կարգով կատարվել են որոշ փոփոխություններ, մասնավորապես դրամային և արժութային ակտիվների համար սահմանվել են տարբեր պահուստավորման տոկոսադրույքներ (կարգի նոր`4.2 կետ).

4.2. Բանկերը ձևավորում են հատուկ պահուստ հետևյալ չափերով.

1) Հայաստանի Հանրապետության դրամով արտահայտված ակտիվների դեպքում.

ա. հսկվող ակտիվների համար` 10%,

բ. ոչ ստանդարտ ակտիվների համար` 20%,

գ. կասկածելի ակտիվների համար՝ 50%,

դ. անհուսալի ակտիվների համար՝ 100%:

2) Արտարժույթով արտահայտված ակտիվների դեպքում.

ա. հսկվող ակտիվների համար` 12%,

բ. ոչ ստանդարտ ակտիվների համար` 24%,

գ. կասկածելի ակտիվների համար՝ 60%,

դ. անհուսալի ակտիվների համար՝ 100%:

ՀԾ Բանկ համակարգում պահուստավորման կարգավորումները անհրաժեշտ է համապատասխանեցնել նոր պահանջներին` մինչ ամսվա վերջի օրվա դրությամբ դասակարգման գործընթացը:

Խնդրի լուծման քայլեր

Այդ համապատասխանեցման համար ՀԾ Բանկ համակարգի V100217 տարբերակի 025, իսկ V100511 տարբերակի 009 թարմացումները տեղադրելուց հետո անհրաժեշտ քայլերն են.

1. Համակարգի PERRESOPTION (Օգտագործել պահուստավորման տոկոսներ դրույթը) պարամետրի արժեքը նշանակել «Այո»:

2. Ձևավորել «Պահուստավորման տոկոսադրույքի կարգավորումներ» փաստաթուղթը: Այն գտնվում է «Ենթահամակարգերի ադմինիստրատոր» ԱՇՏ/«Կարգավորումներ և դրույթներ» կետի տակ: Այսուհետև պահուստավորման գործընթացին մասնակցող ակտիվների հատկանիշները նշվելու են այստեղ: Ձևավորման գործընթացը հեշտացնելու համար մեր կողմից տրամադրվում է այս փաստաթղթի լրացված տարբերակի ներմուծման ենթակա ֆայլ: Ֆայլը կցված է սույն հոդվածին: Նշենք, որ մեր կողմից տրամադրվող ֆայլում նշված են պահուստավորման տոկոսադրույքի տարբերակումները միայն ըստ ակտիվի արժութայնության: Եթե Բանկում մինչ այս պահը գործում էին պահուստավորման տոկոսադրույքի տարանջատումներ ըստ որևէ հատկանիշի, ապա անհրաժեշտ է կազմակերպել երկու պահանջների համատեղում:

Կարգավորման փաստաթղթի կցված ֆայլ:

Փաստաթղթի ներմուծումը կատարվում է «Ադմինիստրատորի ԱՇՏ»/«Համակարգային աշխատանքներ»/«Փաստաթղթի ներմուծում կետից»:

Եթե ներմուծման արդյունքում հաղորդագրություն ստացվի, այդպիսի փաստաթղթի արդեն գոյություն ունենալու վերաբերյալ, սակայն այն դատարկ է (բանկի կողմից չի օգտագործվում), ապա անհրաժեշտ է.

· «Ադմինիստրատորի ԱՇՏ»/«Թղթապանակներ»/«Ստեղծված փաստաթղթեր»-ի երկխոսության պատուհանում «Փաստաթղթի տեսակ» դաշտում նշել «PerRes» և դատարկել մնացած դաշտերը: Հեռացնել բերված փաստաթուղթը:

· Կրկին ներմուծել ֆայլը:

3. «Ենթահամակարգեր («ՀԾ»)/ «Ադմինիստրատիվ մաս»/«Համակարգային աշխատանքներ»/«Այլ»/«Ընթացիկ փոփոխություններ, Այլ ֆունկցիաներ» կետից բացվող ցանկից ընտրել «Նշանակել պահուստավորման տոկոսները» կետը և կատարել: Հարցվող ամսաթվի դաշտում կարելի է գրել հունվար ամսվա ցանկացած օր (ֆունկցիայով հաշվապահական ձևակերպումներ չեն կատարվելու)` բացառությամբ 31/01/10-ի: Արդյունքում դասակարգվող ակտիվների պայմանագրերի վրա կնշանակվի իրենց ընթացիկ ռիսկի դասիչի նոր պահուստավորման տոկոսադրույքը` համաձայն վերը նշված «Պահուստավորման տոկոսադրույքի կարգավորումներ» փաստաթղթում նշված պայմանագրի հատկանիշների:

Լրացուցիչ մեկնաբանություն

Նշենք նաև, որ նոր պայմանագրերի բացման դեպքում պայմանագրի սկզբնական պահուստավորման տոկոսադրույքը նույնպես որոշվելու է «Պահուստավորման տոկոսադրույքի կարգավորումներ» փաստաթուղթում նշված հատկանիշներով: